Tilkynning frá Hafrannsóknarstofnun.
Opin ráðstefna Hafrannsóknastofnunar, Sjávarútvegshúsinu Skúlagötu 4, ráðstefnusal 1. hæð, 25. febrúar 2014, kl. 9 – 16.
Árleg ráðstefna Hafrannsóknastofnunar um lífríki hafsins og umhverfi þess, verður haldin 25. febrúar 2014. Að þessu sinni verður efni ráðstefnunnar “Hafsbotn og lífríki á botninum“. Fjallað verður um rannsóknir á hafsbotninum við Ísland, um lífverur botnsins og tengsl þeirra við hann og sjóinn umhverfis.
Hafsbotninn, lögun hans og gerð, hefur mikil áhrif á lífsskilyrði í sjónum. Hann hefur áhrif á samsetningu botnlífveranna og einnig á þær lífverur sem leita sér fæðu eða hrygna á botni.
Ráðstefnan verður í fyrirlestrasal stofnunarinnar, Skúlagötu 4 og er öllum opin.
Fjallað var um ráðstefnuna og rætt við Guðrúnu Helgadóttur jarðfræðing og Steinunni Hilmu Ólafsdóttur líffræðing í morgunútvarpi Bylgjunar.
Bylgjan | 24. febrúar 2014 Bítið – Kórallar og hafsvæðið kringum Ísland