Líffræðifélag Íslands - biologia.is
Líffræðiráðstefnan 2021

Erindi/veggspjald / Talk/poster E104

Skógar og skógrækt í nýtingu lands

Höfundar / Authors: Björn Traustason

Starfsvettvangur / Affiliations: Mógilsá, rannsóknastöð Skógræktarinnar

Kynnir / Presenter: Björn Traustason

Rannsóknastöðin á Mógilsá hefur umsjón með kortlagningu á skóg- og kjarrlendis á Íslandi og fylgist með þróun á útbreiðslu þessara mikilvægu en sjaldgæfu vist- og landgerða undir merkjum verkefnisins Íslensk skógarúttekt. Skóg- og kjarrlendi á Íslandi þekja nú tæp 2% af flatarmáli landsins, þar af þekja náttúrulegir birkiskógar 1,5% og ræktaðir skógar um 0,4%. Fjallað verður um hvar þessa skóga er að finna og hvernig þeir eru. Við gróðursetningu trjáplantna eða sjálfsáningu birkis breytist skilgreining á því landi sem fyrir er í skóg- eða kjarrlendi. Allt frá árinu 2005 hefur Íslensk skógarúttekt skráð upplýsingar um upprunalega landgerð þess lands sem fór undir skóg, hvort sem um er að ræða landnám náttúrulegs birkis eða nýgróðursetningar á ræktuðum skógum. Í erindinu er teknar saman og birtar niðurstöður um hvers konar skóglaust land hefur breyst í skóg- eða kjarrlendi. Í því ljósi verður einnig reynt að meta hvaða land er tiltækt til áframhaldandi nýskógræktar og bera það saman við landþörf mismunandi sviðsmynda um aukningu nýskógarsvæða á Íslandi næstu áratugina.